Tryggvi á villigötum

Tryggvi vill verja milljörðum til einstaklinga sem þurfa ekki á hjálp að halda.  Hann vill að vaxtagjöld verði frádráttarbær og leggur til afnám tekju- og eignatengdra vaxtabóta.

Hann hefur talað um  mikilvægi þess að þekkingu og reynsla hans og  líkra sé ekki sópað undir teppið. Það eflaust rétt og Þekking Tryggva nýtist okkur örugglega einhvern veginn í framtíðinni.

En nú þarf  að endurreisa samfélagið með jafnrétti og réttlæti að leiðarljósi  og Tryggvi er fráleitt  rétti maðurinn til að koma nálægt þeirri vinnu.

Hjálpum þeim sem þurfa á aðstoð að halda.

Húsráð Tryggva Þórs þykja vond

ÚRSLIT Í FORVALI VG VERÐA TILKYNNT Í KVÖLD

Það verður spennandi að heyra niðurstöðurnar.  Vona að  Hlynur Hallsson verði ofarlega á lista

AÐ GERA ÚLFALDA ÚR MÝFLUGU

Sá forsíðu DV í morgun.  Þar er útgáfa Sigmundar Ernis á bæklingi gerð tortryggileg.  Ég á enn eftir að lesa greinina og bíð með að tjá mig um hana.  Ég hef hins vegar séð umræddan bækling Sigmundar, sem málið snýst um.  Hann er látlaus og hófstilltur og hreint ótrúlegt að hann veki upp einhver slík viðbrögð, þó svo að hann hafi etv. verið prentaður í prentsmiðju.  Sennilega hefur Simmi gert það sem rétt var að fara ódýrari leiðina við útgáfu hans.  Ég hef verið að rembast við það að prenta þetta út á "heimagræjum" og efast um að kostnaðurinn verði minni en ef ég hefði farið leið Simma.  Sndi Simma baráttukveðjur og vona að þetta hafi ekki áhrif á hann. 

VIÐ ÞURFUM AÐ ENDURNÝJA LISTANN

Nú eru uppi ríkar kröfur um nýja og ferska sýn á hlutina.  Mikilvægt er að opna glugga Alþingis, hleypa inn ferskum vindum og ræsta út.  .  Pólitík verður héðan í frá ekki rædd í fermetrum af bundnu slitlagi, heldur lykilhugtökum eins og jafnrétti, réttlæti og víðsýni.  Nú er einstakt lag til nýsköpunar og að henni þarf að koma skapandi hugsun.

Alþingi á að endurspegla þarfir og óskir fólksins.  Þess vegna þurfum við  meiri fjölbreyttni á þing;  konur og karla á öllum aldri, með ólíkan bakgrunn.  En umfram allt hugmyndaríkt fólk, með sjálfstæðar skoðanir, sem þorir að standa gegn flokksræðinu.

Við þurfum líka alþingismenn úr röðum hins almenna borgara. Sem ekki hafa alist upp inni í flokkunum frá 16 ára aldri, lært öll trixin og  klisjurnar .  Sem hafa gengið með þingmann í maganum í 30-40 ár.  Við þurfum fólk sem nógu staðfast til að standa á grundvallarmarkmiðum jafnaðarstefnunnar, en þó nógu víðsýnt til að skoða með opnum hug og tileinka sér hugmyndir, jafnvel þótt þær komi frá fólki úr öðrum flokkur

Ég er stoltur af því að greiða skatta

Næstu ár verða erfið. Það vitum við öll og ég nenni eiginlega ekki að tala mikið meira um það. Ég vil tala um hvernig við náum okkur upp og út úr ástandinu. Eitt af verkfærunum til þess er skattkerfið. Við eigum ekki að skammast yfir því að greiða skatta heldur að vera stolt af því að taka þátt í að byggja upp á ný.

Við þurfum ekkert að finna upp hjólið í skattamálum. Þar getum við lært mikið af hinum Norðurlandaþjóðunum. Skattar eru ekki vondir, þeir eru leið til að jafna tækifæri. Við berum ábyrgð hvert á öðru og meðal annars pössum við upp á hvert annað í gegnum skattana okkar. Skattkerfið okkar er hins vegar ekki endilega það besta í heimi. Það er gallað og það er ósanngjarnt. Þessu þarf að breyta. Og það þarf ekkert að vera flókið. Það er augljóst að leiðarljósið í þessari uppstokkun verður jafnaðarstefnan.

Stefna Samfylkingarinnar er jafnaðarstefna og grunngildi hennar eru jafnrétti, frelsi og samábyrgð. Samábyrgðin hefur aldrei verið mikilvægari ein einmitt nú.

Fyrri ríkisstjórn fór út af brautinni og við þurfum að koma okkur upp á hana aftur. Ég ætla að koma okkur aftur upp á brautina og ég vil að þið hjálpið mér við það. Þetta verður ekkert hægt nema við séum öll saman í þessu.

Fyrsta til þriðja sæti

Misskilnings virðist gæta varðandi framboð mitt. Ítreka að ég býð mig fram í fyrsta til þriðja sæti sbr:http://vikudagur.is/?m=news&f=viewItem&id=3244

MUN FERÐAÞJÓNUSTAN BJARGA BYGGINGARIÐNAÐINUM?

  Greinin birtist í Vikudegi 26.02.09

Eitt allra brýnasta verkefni okkar er að efla atvinnulífið.  Þannig komum við best til móts við vanda heimilanna.  Við eigum ekki að una atvinnuleysi.

Miklar rannsóknir eiga sér nú stað á Þeystareykjasvæðinu, með það að markmiði að nýta tiltæka orku til iðnaðar s.s. álframleiðslu eða kísilmálmverksmiðju á Húsavík.  Þessi vinna þarf að sjálfsögðu að halda áfram af fullum krafti.  Við þurfum hins vegar að vera raunsæ.  Það er óvíst með uppbyggingu hans í nánustu framtíð og við megum engan tíma missa.

Alltof oft leiðist umræðan um atvinnuuppbyggingu út í þras um hvað eigi að gera og hvað ekki.  Einni atvinnugrein er teflt fram gegn annarri og umræðan leiðir ekki til annars en sundrungar.  Við höfum ekki tíma fyrir þess háttar karp.  Leita þarf leiða til að styðja uppbyggingu ólíkra greina.  Greina sem geta stutt hverja aðra, þó ólíkar séu og  höfða til mismunanandi hópa;  kvenna og karla, yngri og eldri, menntaðra og ófaglærðra, þéttbýlis- og dreifbýlisbúa.  Umfram allt þurfum við að ráðast í uppbyggingu sem getur hafist strax.

Ferðaþjónusta og mannvirkjagerð, eins ólíkar og þessar greinar virðast, uppfylla ágætlega þessi skilyrði.

Mannvirkjagerð er sú atvinnugrein sem einna verst hefur orðið fyrir barðinu á kreppunni.  Hundruð manna úr þeirri grein eru atvinnulaus í þessu kjördæmi, aðallega karlar í þéttbýli.  Brýnt er að koma þeim í vinnu aftur.  Hins vegar er tilgangslaust að byggja bara til að byggja.

Að ferðaþjónustu starfar hins vegar mjög fjölskrúðugur hópur.  Fyrirtækin eru stór og smá, víða um kjördæmið.  Allt frá veitinga- og gistirekstri til smámuna- og reðursafna. Vöxtur þessarar greinar getur verið einn lykillinn í því að koma mannvirkjagerð af stað að nýju:      

Ný flugstöð og styrking Akureyrar sem miðstöð alþjóðaflugs.

Uppbygging hótelrýma í Eyjafirði og nágrenni.

Vaðlaheiðargöng og bættar samgöngur á svæðinu.

Hafnarframkvæmdir.

Uppbygging á göngu- og stígakerfi í þéttbýli.

Áframhaldandi uppbygging íþrótta og útivistarmannvirkja.

Við þurfum að sameina krafta innan greinarinnar, með það að markmiði að stórefla vaxtarmöguleika hennar, ekki síst lengja ferðamannatímabilið.

Ég legg til að sveitafélög og fyrirtæki í ferðaþjónustu hefjist nú þegar handa við að markaðssetja Eyjafjörð og Þingeyjarsýslur sem miðstöð vetrarmenningar.  Frá 15. janúar - 15. mars ár hvert verði haldin vetrarhátíð á þessu svæði.  Nú þegar hefur það upp á gríðarlega margt að bjóða og sóknarfærin til nýsköpunar eru óþrjótandi:

Raunhæft er að markaðssetja Eyjafjörð vetraríþróttaparadís fyrir Norður-Evrópu, með beinu flugi til Akureyrar.

Aukin ferðamennska innanlands skapar sóknarfæri.

Svæðið er þekkt fyrir matvælaframleiðslu.  Köllum saman okkar bestu kokka og framleiðendur og færum matarmenningu okkar í áhugaverðan búning fyrir ferðamenn.

Virkjun vatns- og jarðvarma hefur  skapað gríðarlega verkfræðiþekkingu, sem er kannski okkar vanmetnasta útflutningsafurð.  Nýtum  þessa þekkingu  í stórauknum mæli til nýsköpunar á sviði heilsutengdrar ferðaþjónustu.  Jarðböðin í Mývatnssveit eru gott dæmi um þetta.

Fjöldi bæja við heimskautsbaug hafa nú þegar stigið þetta skref og hafa stóran hlut sinna tekna af ferðaþjónustu tengdri vetrinum.  Þeir hafa gert með sér samtök sem nefnast Wintercities.  Kannski er myrkrið og kuldinn okkar helsta aðdráttarafl.  Skilgreinum sérstöðu okkar og byggjum á henni til að tryggja hér áframhaldandi velferð.

 

 

Á LEIÐ Í PRÓFKJÖRSSLAG

 Ég hef ákveðið að bjóða mig fram í prófkjöri Samfylgarinnar í norð-austur kjördæmi.  Ég hef ákveðið að sækjast eftir fyrsta til þriðja sæti.

Ég er 44ára arkitekt, búsettur á Akureyri, kvæntur Arnbjörgu Sigurðardóttur, lögmanni.  Ég á tvö börn;  Úlf 11 ára og Hrefnu 4 ára.

Ég rek ásamt öðrum  arkitektastofuna Kollgátu og hef mikla reynslu á  sviði mannvirkjagerðar og skipulagsmála.

Þörf er á siðbót í stjórnmálum.  Virðingu Alþingis þarf að endurreisa með vönduðum vinnubrögðum, ekki snoturri umgjörð.   Ég vil auðmjúka stjórnmálamenn sem  týna sér ekki í smáatriðum heldur einbeita sér að heildarmyndinni.   Gleyma sér ekki eingöngu í verkefnum dagsins heldur hafa kjark og þor til að horfa til framtíðar.  Viðurkenni takmörk sín og séu duglegir við að leita til sérfræðinga.  Alþingismenn  verða að bregðast við kröfum almennings um  beinni þátttöku og opnari umræðu.   Alþingi á að endurspegla þarfir og óskir fólksins.  Þess vegna þurfum við  meiri fjölbreytni á þing;  konur og karla á öllum aldri, með ólíkan bakgrunn.  En umfram allt hugmyndaríkt fólk, með sjálfstæðar skoðanir, sem þorir að standa gegn flokksræðinu.

Vandi fyrirtækjanna er vandi heimilanna og rekstarumhverfi þeirra verður að tryggja.  Vandamálin verða ekki eingöngu leyst með skammtímalausnum, þó þær séu bráðnauðsynlegar.  Við verðum að tryggja stöðugra efnahagsumhverfi,   svo fyrirtæki og heimili geti gert áætlanir til lengri tíma.  Upptaka Evru er nauðsynlegur liður í því.  Við eigum að ganga til aðildarviðræðna við Evrópusambandið strax  og bera síðan þann samning undir þjóðina.